नेपाल मगर संघ शाखा कतारको अध्यक्षमा शेर बहादुर रोका मगर ।

०१ जुलाई २०१७ दोहा कतार
   नेपाल मगर संघ शाखा कतारको १२ औ अधिबेशन कतारको दोहामा सम्पन्न भएको छ । ३० जुन शुक्रबारका दिन संघका अध्यक्ष महेन्द्र थापा मगरको अध्यक्षता र नेपाल मगर संघका केन्द्रिय अध्यक्ष नबिन रोका मगरको प्रमुख आतिथ्यमा कार्यक्रम सम्पन्न भएको छ । कार्यक्रममा विभिन्न संघसंस्थाका पदाधिकारीहरु, अतिथि गण, पत्रकार र विभिन्न व्यक्तित्वहरुको बाक्लो उपस्थिति रहेको थियो । बोल्ने अधिकांस वक्ताहरुले मगर संघ कतारले बिगत देखि गर्दै आईरहेका श्रहानिय कामहरुको प्रशंसा गर्दै शुभकामना दिएका थिए । कार्यक्रमको बिच-बिचमा मगर संस्कृति झल्काउने नाँचहरु प्रतुत गर्दा सुनमा सुगन्ध थपिएको थियो ।

 १२ औं अधिवेशन बाट तपशिल बमोजिमका समितिहरु निर्बिरोध निर्बाचित हुनुभएको छ । जसमा
अध्यक्ष - शेर बहादुर रोका मगर
प्रथम उपाध्यक्ष  - अभिमत पुन मगर
द्वितीयत उपाध्यक्ष - केशब घर्ती मगर
महिला उपाध्यक्ष - इस्वरा थापा मगर
महासचिब - विजय मिरिङ्चिङ मगर
कोषाध्यक्ष - केशब राना मगर
बिभागिय सचिब- बिबेक पुलामी मगर
सस्कृतिक बिभाग सम्योजक - भुपेन्द्र रिखाम मगर लगायत गायत्री थापामगर, जनक कुमारी थापा मगर, लक्ष्मि काउछा मगर, ज्ञानु मगर गरि जमा २६ जना सदस्य र एउटा सदस्य रिक्त गरि समिती राखिएको छ ।

यो १२ औं कार्यसमितिका सम्पुर्ण नयाँ पदधिकारी तथा सदस्य ज्युहरुलाई बधाई तथा सफल कार्यकालको शुभकामना आदान प्रदान पनि गरिएको थियो । कार्यक्रम संघका महासचिब विजय मगरको संचालनमा भएको थियो ।