कतारमा "नेपाल आईडल" का फाईनल प्रतियोगीलाई खुल्यो एसएमएस भोटिङ सेवा ।

कृष्ण सारू मगर,
दोहा-कतार १९ सेप्टेम्बर एपी वान टेलिभिजन द्वारा प्रसारित अन्तराष्ट्रिय फ्रेन्जाईज प्राप्त नेपालकै पहिलो राष्ट्रव्यापी एवं सर्वाधिक चर्चामा रहेको "नेपाल आईडल" (रियालिटी-सो) गायन प्रतिभा छनौट प्रतियोगिताको अन्तिम फाईनल सम्म पुगेका आ-आफ्ना मन परेका प्रतिस्पर्धी कलाकारलाई आफ्नै मोवाइल बाट एसएमएस भोटिङ गर्न पाउने सुचना तथा प्रचारप्रसार समितिका संयोजक एच. बी. राना मगरले गुम्बेली खबर डटकमका कृष्ण सारू मगरलाई जानकारी दिए ।

हामीलाई प्राप्त जानकारी अनुसार नेपाल आईडल गायन विधाको प्रतिस्पर्धामा रहेका तीन जना गायकले भोटको आधारमा यही २२ सेप्टेम्बरका दिन प्रथम, द्धितिय र तृतीय छनौट हुने छन् । एसएमए भोटिङ सेवा सुचारु भए पश्चात् (अर्थात्) अनलाइन भोटिङ्ग सेवा सुविधा बन्द भएको हो ।

समस्त गीत संगीत पारखी श्रोता, कतारका तमाम दर्शक तथा शुभेच्छुकहरुको बढ्दो मागलाई मध्यनजर गरी फाईनलमापुगेका बाँकी तीनजना प्रतिस्पर्धीका मन पर्ने कलाकारलाई विजयी बनाउन सहजीकरणका लागि तल उल्लेखित कोड नम्बर टाईप गरेर ९२८०४ मा एसएमएस गरी सहजै पठाउन सकिने प्रावधान आयोककले मिलाएको स्रोतले जनाएको छ ।

आयोजकले कतार टेलिकम संग समन्वय गरी Ooredoo Sim Card प्रयोगकर्ता शुभचिन्तकहरुले आ-आफ्नो मोबाइल बाटै फाईनलको अन्तिम दिन सम्म प्रतिस्पर्धीहरुलाई (unlimited) एसएमएस भोटिङ्ग गर्न सकिने ब्यावस्था मिलाएको कार्यक्रम संयोजक उत्तम गुरूङले बताए । साथै, थप जानकारी लिनु परेमा पोष्टरमा उल्लेखित नम्बरमा सम्पर्क गरी विस्तृत जानकारी अविलम्ब उपलब्ध गराउने छौँ । उहाँले भने ।

नोट:-
एसएमएस भोटिङ्गका लागि मोबाईलको म्यासेज बक्समा गई प्रतियोगिका निम्न तपशील रहेको (क) बुद्ध लामा ०३ (ख) निशान भट्टराई ०७ र (ग) प्रताप दासलाई १० कोर्ड नम्बर टाईप गरी ९२८०४ मा एसएमएस पठाउनु पर्ने छ।