कतारका सल्लाहकार प्रमोद श्रेष्ठलाई ने.स.स.ले गर्यो बिदाई ।

कृष्ण सारू मगर
दोहा-कतार, २९ सेप्टेम्बर नेपाली सं.स.फो.नेपालको प्रवास संगठन नेपाली संघीय समाज कतारका सल्लाहकार सदस्य प्रमोद श्रेष्ठलाई समाजका अध्यक्ष डि.एन. मगरको सभापतित्वमा विदाई गरेको महासचिव सुबोध घलान तामाङले गुम्बेली खवरलाई जानकारी दिए ।

रोजगारीका शिलशिलामा कतार आएका पेशाले प्रोजेक्ट इन्जिनियर प्रमोद श्रेष्ठलेे समाजको सल्लाहकार पदमा रहेर पार्टीको विधि, विधान मापदण्ड मुख्य एजेन्डा मार्गनिर्देशनलाई आत्मासाथ गरी नेपाली संघीय समाजलाई आर्थिक, भौतिक, नैतिक, वैचारिक, सुझाव, सल्लाह दिँदै आएका सल्लाहकार श्रेष्ठलाई समाज प्रति कर्तव्यनिष्ठ भई दिएको अतुलनीय योगदानको उच्च मुल्यांकन गरी समाजले प्रमुख अतिथि, विशेष अतिथिको सह्योगमा समाजका अध्यक्ष डि.एन. मगरले सामुहिक रूपमा सम्मान पत्रलाई प्रदान गर्दै दोहाको हिमालयन नेपाली रेष्टुरेन्टको सभाकक्षमा २८ सेप्टेम्बर मंगलबारका दिन स-सम्मान विदाई गरेको हो ।

पवित्र खादा ग्रहण गर्दै स-सम्मानित विदाई भएका श्रेष्ठले भने समाज २०१३ मा समाजिक अवधारणा बोकी स्थापना भए संगै प्रवासी भुमिमा आएका नेपालीको राजनैतिक चेतनामूलक ज्ञान बाँड्नुका साथै स्वदेश तथा विदेशमा भए/गरेका विविध अकल्पनीय घटनामा परेका दीन दु:खीहरूको सह्योगमा लागेका आफ्ना सहयात्रीहरू संग भौगोलिक रुपमा आफु टाढा रहेता पनि पार्टीको प्रगतिशील उद्धेश्य तथा अधारणालाई अनुशरण गर्ने प्रतिबद्धता जनाएका उनले थप्दै भनेका छन् । नेपाली समाजमा ब्याप्त विभेदको अन्त्यका लागि निस्वार्थ भावनाले निरन्तर रुपमा आफु लागिरहने बताए ।
महासचिव सुबोध घलान तामाङ्गको संचालनमा सम्पन्न विदाई कार्यक्रमको समाजका विभिन्न पदमा पद्धेन पदाधिकारीहरूले उपस्थिति जनाएको विदाई समारोहमा प्रमुख अतिथि शेरधन राई, विशेष अतिथिमा हिराधन राई रहेका थिए ।