पाल्पामा आज वृहत मगराँत जनसभा हुँदै ।

शुक्रबार ०८ पुस
तानसेनमा आज हुने बृहत जनसभाको तयारी पुरा भएको छ । नेपाल मगर संघ केन्द्रिय समिति, मगरांत संघर्ष समिति, संयुक्त मगर मञ्च नेपालको आयोजनामा हुने जनसभा र झाँकी र्यालीको तयारी पुरा भएको स्थानिय ब्यवस्थापक नेपाल मगर संघ पाल्पाले जनाएको छ । सभालाई मगर संघका केन्द्रिय अध्यक्ष नविन रोका मगर, संघका पुर्ब अध्यक्ष महेन्द्र थापा मगर, पुर्ब वरिष्ठ उपाध्यक्ष बसन्त घर्ती मगर, पुर्ब महासचिब सुरेश आले मगर, पुर्व सांसद सुदर्शन बराल मगर लगायत सबै पार्टीका मगर घटकका प्रमुखहरुले संबोधन गर्ने कार्यक्रम छ । 

आफ्ना पहिचान र पहिरन सहित उपश्थित हुने सहभागीहरुले टुडिखेल स्थित लखनपार्क बाट बिहान ११:०० बजे र्याली निकाल्ने र हुलाकचोक निर सभागर्ने कार्यक्रमका आयोजकहरुले बताएका छन् । मगर सघन बस्ती रहेका जिल्लाहरुलाई एउटै प्रदेशमा राख्नु पर्ने लगाएतका माग गर्दैै आएको मगर संघले अहिले संसदमा पेश भएको संसोधित संविधानले केही मात्रा भएपनि माग पुरा गर्ने भएकाले संसोधिन संविधान पास गर्न माग गर्दे आएको छ । सभामा जिल्लाका ग्रामिण भेग र छिमेकी रुपन्देही लगाएतका जिल्ला बाट पनि सहभागी हुने मगर संघका केन्द्रिय सदस्य वल बहादुर रानाले जानकारी दिनुभयो ।