कतारमा आईबोस ग्लोबलको दोस्रो सांङ्गितिक प्रस्तुुति अन्तिम चरणमा ।

अमृत शर्मा, पोख्रेल
दोहा- कतार, २८ डिसेम्बर
विगतका बर्षमा झैँ यसबर्ष पनि यही ३० डिसेम्बर सुक्रबारका दिन नेपालका ख्याती प्राप्त विभिन्न विधाका दर्जनौ राष्ट्रिय कलकारहरूले सनैया स्थित ग्रैण्डमल नजिकै रहेको विशाल कन्सर्ट हलमा आइबोस ग्लोबल कतारले गोपाल न्यौपानेको संयोजकत्वमा दोश्रो साङ्गितिक कार्यक्रमका लागि मनाउने भएको छ ।

साङ्गितिक कार्यक्रमकि परिचित उद्धघोषिका सृजना के.सीको संचानलमा हुने निम्न तपशिलका राष्ट्रिय कलाकारहरू, चर्चित राष्ट्रिय लोक तथा दोहोरी गायिका तथा नायिका ज्योति मगर, गायक पशुपति शर्मा, आधुनिक गायक प्रमोद खरेल, रुपकुमार राई, गायिका सहिमा श्रेष्ठ, नृत्य निर्देशक शंकर बिसी, नृत्याङ्गना रश्मी तामाङ, गायिका कोपिला गुरुङ र मोडेल स्मृति तिमिल्सिना र जिरे खुर्सानीका हाँस्य कलाकार जितु नेपाल (मुन्द्रे) ले उपस्थित दर्शक तथा श्रोता एवं शुभेच्छुकहरूलाई भरपुर मनोरञ्जन गराउने भएकोले उक्त कार्यक्रमलाई भब्य र सभ्य सम्पन्न गराउन सबै पक्षमा गरिमामय उपस्थितका लागि आयोजक समिति हार्दिक निमन्त्रणा गरेको छ ।

संयोजक न्यौपानेका अनुसार अंग्रेजी नयाँ बर्ष २०१७ को स्वागत गर्दै नेपाल देखी आउने विभिन्न विधाका दर्जन भन्दा बढी राष्ट्रिय कलाकारहरूको साथमा स्थानीय प्रख्यात कलाकारको प्रस्तुतिले मनोरञ्जन लिनका लागि कतारमा रहेका समस्त गीत, संगीत पारखी कलाप्रेमी श्रोता, दर्शक तथा शुभेच्छुकहरूलाई साङ्गितिक मनोरञ्जन दिलाउने लक्षले कार्यक्रम आयोजना गरेको हो ।

स्रोतका अनुसार विविध विषयमा थप जानकारीका लागि पोस्टरमा उल्लेखित सम्वन्धितलाई वा आयोजक समितिको संवद्ध पद्धेन पदाधिकारी संग संपर्क गरि विष्तृत जानकारी उपलब्ध गराउने कार्यक्रम ब्यवस्थापक आस ब. गुरूङ्गले बताएका छन् ।